– इण्डियन प्रिमियर लिग (IPL) मा कोलकाता नाइट राइडर्सले एकपटक फेरि आफ्नो दमदार प्रदर्शन दोहोर्याएको छ। बुधबार राति दिल्ली क्यापिटल्सविरुद्ध १४ रनको शानदार जित निकाल्दै कोलकाताले प्रतियोगितामा चौथो जित हासिल गरेको हो। यस जितसँगै कोलकाताले १० खेलमा ९ अंक बनाएको छ र तालिकाको सातौं स्थानमा कायमै रहेको छ।
जसरी भयो खेल:
दिल्लीको घरेलु मैदान अरुण जेटली स्टेडियममा टस जितेर फिल्डिङ रोजेको दिल्लीलाई सुरुआतदेखि नै दबाबमा ल्याउने काम कोलकाताले गर्यो। पावर प्लेमा नै ७९ रन जोडेपछि कोलकाताले २० ओभरमा ९ विकेट गुमाउँदै २०४ रन बनायो। रहमानुल्लाह गुर्बाजले १२ बलमा तिव्र २६ रन बनाए भने ओपनर सुनिल नराइनले २७ रन थपे। कप्तान अजिन्क्य रहाणे र वेंकटेश अय्यरले समान २६ र ७ रन बनाउँदै आउट भए।
कोलकाताको इनिङ्समा सबैभन्दा दमदार पारी अंगक्रिश रघुवंशीले खेले – उनले ३२ बलमा ४ चौका र २ छक्का सहित ४४ रन बनाउँदै टोलीलाई सम्मानजनक स्कोरमा पुर्याए। रिंकु सिंहले ३६ रन, आन्द्रे रसलले १७ रन जोडे।
दिल्लीका लागि मिचेल स्टार्कले उत्कृष्ट बलिङ गर्दै ३ विकेट लिए। उनले अन्तिम ओभरमा ह्याट्रिक गर्न निकै नजिक पुगेका थिए। अक्षर पटेल र विपराज निगमले समान २-२ विकेट लिए।
दिल्लीको जवाफ: प्रयास दमदार, नतिजा निराशाजनक
२०५ रनको विशाल लक्ष्य पछ्याउने क्रममा दिल्लीका ब्याट्सम्यानले संघर्ष गरे। फाफ डु प्लेसिसले चम्किलो प्रदर्शन गर्दै ४५ बलमा ७ चौका र २ छक्का सहित ६२ रन बनाए। कप्तान अक्षर पटेलले ४३ रन, विपराज निगमले ३८ रन, र करूण नायरले १५ रन बनाएका थिए। तर अन्य ब्याट्सम्यान दोहोरो अंकमा पुग्न असफल रहे।
कोलकाताका बलरहरूमध्ये सुनिल नराइन चम्किए। उनले ४ ओभरमा २९ रन खर्चिँदै ३ विकेट लिए। वरुण चक्रवर्तीले २ विकेट लिएर दिल्लीको मध्यक्रम धरापमा पारे।
दिल्लीले पूरै २० ओभर खेले पनि ९ विकेट गुमाउँदै १९० रनमै रोकियो र १४ रनले हार बेहोर्न बाध्य भयो।
स्थिति र प्रभाव:
यो जितले कोलकातालाई प्लेअफ दौडमा होस्टेमा होस्टे बनाइराखेको छ। अर्कोतर्फ, दिल्लीले पछिल्ला चार खेलमध्ये तेस्रो हार बेहोर्दै १२ अंकमा अडिएको छ र तालिकाको चौथो स्थानमा यथावत् रहेको छ।
👉 अबको खेलमा कोलकाता आफ्नो पाँचौं जितको खोजीमा हुनेछ भने दिल्ली पुनः जितको लय समात्न चाहन्छ।
Leave a Reply