नेपालको पर्यटन क्षेत्रका लागि अप्रिल महिना ऐतिहासिक सावित भएको छ। केवल एक महिनामै १ लाख १६ हजारभन्दा बढी विदेशी पर्यटकहरूले हवाईमार्गबाट नेपालको भूमि छोए। यो तथ्याङ्क नेपाली पर्यटनको पछिल्लो वर्षहरूमा देखिएको एकदमै उच्च रेकर्डमध्ये पर्छ।
नेपाल पर्यटन बोर्डका अनुसार, अप्रिल २०२5 मा नेपाल आएका पर्यटकको संख्या १,१६,३२३ पुगेको छ, जुन मार्चको तुलनामा उल्लेखनीय वृद्धि हो। त्रिभुवन अन्तर्राष्ट्रिय विमानस्थल हुँदै आएको यो भीडले कोभिडपछिको पर्यटन पुनरुत्थानमा एक नयाँ आशा बोकेको छ।
एभरेस्ट बेसक्याम्प ट्रेक, पोखराको शान्ति झरना, लुम्बिनीको धार्मिक महत्त्व, चितवनको जंगल सफारी र काठमाडौंको सांस्कृतिक सम्पदाले पर्यटकलाई आकर्षित गरेको विश्वास गरिन्छ।
यदि यो लय यसैगरी कायम रह्यो भने, सन् २०२५ नेपालका लागि पर्यटक आगमनमा ऐतिहासिक वर्ष बन्ने संकेत देखिएको छ।
के तपाईंलाई लाग्छ, यो संख्याले २०२४ को रेकर्ड पनि तोड्न सक्छ?
Leave a Reply