दाङको घोराहीमा लागु औषधसहित दुई जना पक्राउ

दाङ, घोराही — दाङको घोराही उपमहानगरपालिकाबाट लागु औषधसहित दुई जना पक्राउ परेका छन्।

घोराही–१४ मिलन चोकका २३ वर्षीय विशाल बुढा ६७० मिलीग्राम ब्राउन सुगरसहित आइतबार बेलुकी पक्राउ परेका हुन्। शंकास्पद अवस्थामा हिँडिरहेका उनलाई प्रहरीले खानतलासी गर्दा पाइन्टको गोजीभित्र लुकाइ राखेको ब्राउन सुगर बरामद भएको जिल्ला प्रहरी कार्यालय दाङले जनाएको छ।

त्यस्तै, घोराही–१३ आनन्दपुर टोलकी ५७ वर्षीया नितु आचार्य ट्रामाडोल नामक मनोद्दिपक औषधिसहित पक्राउ परेकी छन्। प्रहरीले उनलाई घरमै खानतलासी गर्दा भान्सा कोठामा लुकाइ राखिएको २० क्याप्सुल ट्रामाडोल फेला पारेको हो।

दुवै जनामाथि लागु औषधसम्बन्धी कसूरमा म्याद थप गरी अनुसन्धान भइरहेको जिल्ला प्रहरी प्रवक्ता डीएसपी चक्रबहादुर शाहले जानकारी दिएका छन्।