काठमाडौं – सांसद माया राईलाई अदालतले १० लाख धरौटीमा रिहा गर्न आदेश दिएको छ। काठमाडौं जिल्ला अदालतका न्यायाधीश महेन्द्र बहादुर कार्कीले उनलाई धरौटीमा छाड्ने आदेश गरेका हुन्।
स्वर्णलक्ष्मी बहुउद्देश्यीय सहकारी संस्था लिमिटेडको रकम अपचलनमा संलग्न आरोपमा कांग्रेस सांसद राईलाई प्रहरीले वैशाख १३ मा पक्राउ गरेको थियो। उनले कालिमाटीमा मुख्य कार्यालय रहेको स्वर्णलक्ष्मी सहकारीमा सदस्य र सहसचिवका रूपमा काम गरेकी थिइन्।
उनको कार्यकालमा २०७३ कार्तिक ६ देखि २०७४ मंसिर ४ सम्म सदस्य र २०७४ मंसिर ४ देखि २०७६ भदौ २१ सम्म सहसचिव भएर काम गर्दै २ करोड ४० लाख ४४ हजार ७९० रुपैयाँ हिनामिना भएको प्रमाणित भएको छ।
मंगलबार सरकारी वकिलले उनीविरुद्ध ३७ लाख ३५ हजार बिगो माग गर्दै काठमाडौं जिल्ला अदालतमा अभियोगपत्र दायर गरेका थिए।
Leave a Reply