नेपाल सेनामा हालै पदोन्नति प्राप्त गरेका उच्च अधिकृतहरूलाई प्रधान सेनापति अशोक राज सिग्देलले मंगलबार दर्ज्यानी चिन्ह प्रदान गरेका छन्।
जंगी अड्डामा आयोजित औपचारिक कार्यक्रममा उपरथी दर्जामा पदोन्नति पाएका मान बहादुर महरालाई प्रधान सेनापतिले दर्ज्यानी चिन्ह प्रदान गरेका हुन्। महरा हाल संयुक्त राष्ट्रसंघको लेबनानस्थित UNIFIL मिसनमा डेपुटी फोर्स कमान्डरको रूपमा कार्यरत छन्।
सोही अवसरमा सहायक रथी दर्जामा पदोन्नति भएका मनोज थापा र अर्जुन बस्नेतलाई समेत दर्ज्यानी चिन्ह प्रदान गरिएको सैनिक जनसम्पर्क तथा सूचना निर्देशनालयले जनाएको छ। त्यस्तै, प्रमुख सेनानी ब्रजेश महर्जनलाई पनि औपचारिक रूपमा चिन्ह प्रदान गरिएको थियो।
कार्यक्रममा उपस्थित सैनिक उच्चपदस्थ अधिकारीहरू, परिवारजन तथा मिडिया प्रतिनिधिहरूको उपस्थितिमा दर्ज्यानी सम्मान कार्यक्रम सम्पन्न भएको थियो।
नेपाल सेनाको यो क्रमिक पदोन्नति प्रक्रिया उच्च मनोबल अभिवृद्धिमा योगदान पुर्याउने विश्वास लिइएको छ।
Leave a Reply