“चर्चित गायक पवनदीप राजनको स्वास्थ्य अवस्था चिन्ताजनक, अस्पतालमा उपचार जारी”

चर्चित भारतीय गायक पवनदीप राजनको स्वास्थ्य अवस्था अहिले चिन्ताजनक बनेको छ। केही दिनदेखि अस्वस्थ महसुस गरिरहेका पवनदीपलाई आइतवार साँझ मुम्बईको एक निजी अस्पतालमा भर्ना गरिएको हो।

पछिल्लो जानकारीअनुसार पवनदीपको श्वासप्रश्वासमा समस्या, अत्यधिक थकान, र शरीरमा कमजोरीका लक्षण देखिएको बताइएको छ। चिकित्सकहरूको टोलीले तत्काल उनलाई अक्सिजन सहयोगमा राखी परीक्षण सुरू गरेको छ। प्रारम्भिक रिपोर्ट अनुसार सम्भवतः उनलाई भाइरल संक्रमण वा दमजस्तै श्वाससम्बन्धी समस्या भएको हुनसक्ने अनुमान गरिएको छ।

पवनदीपको टिमले सामाजिक सञ्जालमार्फत छोटो जानकारी दिँदै फ्यानहरूलाई अफवाहमा नलाग्न र शान्त रहन आग्रह गरेको छ। साथै उनले चाँडै स्वस्थ भएर फर्कने विश्वास पनि व्यक्त गरिएको छ।

इन्डियन आइडल सिजन १२ का विजेता पवनदीप पछिल्लो समय नेपाली दर्शकहरूबीच पनि निकै लोकप्रिय बन्दै आएका थिए। नेपालमा आयोजना हुने कन्सर्ट र म्युजिक टुरमा भाग लिने चर्चा चलेका बेला उनको स्वास्थ्य गडबडिएको खबरले फ्यानहरूमा चिन्ता बढाएको छ।

हाल उनी अस्पतालको आइसोलेसन वार्डमा विशेष निगरानीमा राखिएको छ र स्वास्थ्यमा क्रमिक सुधार भइरहेको अस्पताल स्रोतले जनाएको छ।