नयाँ दिल्ली – भारत–पाकिस्तान सीमा क्षेत्रमा पछिल्ला केही दिनयता तनाव चुलिँदै गएको छ। शुक्रबार र शनिबारको मध्यरातमा सीमामा भएको सैन्य गतिविधिबारे जानकारी दिँदै कर्नेल सोफिया कुरेशीले २६ स्थानमा हवाई घुसपैठको प्रयास भएको बताइन्।
भारतीय सेनाले आयोजित पत्रकार सम्मेलनमा उनले भनिन्, “पाकिस्तानी सेनाले पश्चिमी सीमाभर आक्रामक गतिविधि बढाएको छ। नियन्त्रण रेखामा ड्रोन प्रवेश, भारी हतियारबाट गोलाबारी र हवाई आक्रमणको प्रयास गरिएको छ।” कर्नेल कुरेशीका अनुसार पाकिस्तानले उधमपुर, भुज, पठानकोट, भटिंडा र आदमपुरस्थित भारतीय सैन्य एअरबेसहरूमा क्षति पुर्याउने प्रयास गरेको थियो।
उनले जानकारी दिइन् कि शनिबार बिहान १:४० बजे पञ्जाबस्थित सैन्य अड्डामा उच्च गतिको क्षेप्यास्त्र प्रहार गरिएको थियो, तर भारतले सो क्षेप्यास्त्रलाई निष्क्रिय पार्न सफल भएको दाबी गरेकी छन्।
यो घटनाक्रमसँगै भारतका विदेश सचिव विक्रम मिश्री, कर्नेल कुरेशी र भारतीय वायुसेना विंग कमाण्डर व्योमिका सिंहले संयुक्त पत्रकार सम्मेलन गर्दै पाकिस्तानको उत्तेजक गतिविधिको कडा विरोध गरेका छन्। विदेश सचिव मिश्रीले भने, “पाकिस्तानका उत्तेजक गतिविधिहरूको भारतले प्रतिक्रिया दिएको हो।”
हालसम्म पाकिस्तानले भारतको यो आरोपबारे कुनै प्रतिक्रिया दिएको छैन।
Leave a Reply